Ben Affleck-a chawimawina an hlan dawn

Midangte tana a thawh nasat avang leh a inphal avangin Ben Affleck chu chawimawina a vawi thumna atan hlan a ni leh dawn. Writers Guild of America-in a buatsaih, West's Valentine Davies Award dawng tura thlan a ni.

Writers' Guild of America hian award hlanna inkhawm hi February 14 hian Los Angeles-ah an nei ang a, hetah hian Ben Affleck hi pek a ni ang.

WGAW President Chris Keyser chuan "Ben Affleck hi tunge a nih inhriattir a ngai hran lo...Affleck hian Eastern Congo Initiative a din a, he pawl hi mite pui a, eng emawa hma la tura din a ni a, tunah hian Congo khaw chhak lamah hna a thawk a, helai hmuna mite khawtlang leh mimal nun chawikang turin a bei mek a ni. He pawl tan hian Ben Affleck chu a zin nasa hle a, a theihna, inpekna, thiamna leh remhriatna leh hun zawng zawng a hmang a ni..." tiin an fak duah.

November thla khan Ben Affleck hian Save the Children charity foundation tana a hna thawh avangin chawimawina a lo dawng tawh bawk.