Neeson-a mei bung Cooper-an a châng

Actor leh actress tam tak hian film-ah meizial an zu fo a, hei vang hian meizial an zu tak tak tihna a ni lo. A tam zawk hian zûk leh hmuam an ti ngai lo a, ti erawh tlem an awm. Liam Neeson pawh hian meizial a zu ngai lo a, a film chanah erawh a character azira mei zuk a ngaihna a awm fo. Hengte avang hian milarte pawhin mei an zu tiin, i lo zu ringawt ang e, khawvel lemah i chêng tihna a ni ang.

Film vela kan hmuh tam tak hi a changtute leh US ngeia mi tam zawk tih dan a ni lo a, mi tlêm tê, awm ṭha duh lote chanchin an chanchhuah hi mi tam tak tihdan emaw tiin kan lo copy thuai ṭhin. Hei hi hriat tlem vang a ni fo.

The A-Team an chan khan Liam Neeson hi film-a a character-ah mei zuk a ngai ṭhin a, a bikin cigar zuk a ngai a, a scene a zawhin paih mai a tum a, mahse a mei zuk bung lo changtu ber chu Bradley Cooper a ni. Meizial bakah hian movie-a zu an in avangin milar tam tak hian zu an in tihna a ni lo. An charcater play-a a ṭul vanga in an awm. Jennifer Lopez te pawh hian zu tak chu a inngai tawh lo. Hetiang hi an tam hle.