2024 ESPY Awards: Best Athlete-ah Patrick Mahomes leh A'ja Williams

ESPN-in kum 1993 aṭanga infiamna lama che ṭhate chawimawina, American awards show a buatsaih, ESPY (Excellence in Sports Performance Yearly Awards) 2024 chu Ningani zan khan Los Angeles-a Dolby Theatre-ah neih a ni. Best Athlete, mipaah Patrick Mahomes (Kansas City Chiefs) leh hmeichhiaah A'ja Williams (Las Vegas Aces) te thlan a ni.

2024 ESPY hi Serena Williams-in a host a, RnB icon Ciara chuan annual awards ceremony hi a kick-off a, pui takin a hla hit 'Goodies', 'Level Up' leh 'One, Two Step' te a rawn perform. Sports leh entertainment lama langsar tak takte an pungkhawm ṭha hle. Caterogy hrang hranga lawmman sem a nih bakah, special award pathum leh humanitarian award-te sem tel a ni bawk.

Pat Tillman Award for service chu Prince Harry hnenah hlan a ni a, mahse he award dawng tura thlan a ni hi award hming putu, Pat Tillman-a nu Mary Tillman chuan a sawisel a ni.