Mizo Rapper Vannex Rangoon-ah a hit chho mek

Tun hnaia “FOO FOO” tih hla, Drill Rap Music hmanga rawn invawrh chhuak, Vanpuilala (Papuia), Vannex chu Rangoon khawpuiah a hit chho mek a, ṭhalaite lawm a hlawhin bar, night club leh puipunnaah sawm a hlawh hle.

A music kalphung hi 'drill rap' niin a hla thuah English a hmang tam ber a, Mizo ṭawng a hman tel bawk . Vannex hi kum 18 mi niin, Tahan-a piang leh seilian a ni a, a nu hi Lalthanpuii (Puipuii), kum 1999-2000 chhoa North East Sport tournament-a Mizoram state aiawha Lawn Tennis leh Table Tennis pawh lo khel tawh a ni. Vannex hian a hla thar tur 'One Day' a buaipui mek. 'Foo Foo' tih hla hian thla thum chhungin YouTube-ah view mtd 2.7 zet a nei tawh a, TikTok lamah pawh a trending a ni.