'Gladiator II' trailer-in view ngah record siam

Paramount Picture-in Thawhlehnia 'Gladiator II' trailer a tih chhuah chuan darkar khat chhungin view mtd 128 chuang a nei hman a, trailer zingah darkar 24 chhunga view ngah ber a ni. Nimin thleng khan view hi mtd 180 chuang a nei tawh bawk. He film hi November 22-a tih chhuah tum a ni.

2000 hit, Russell Crowe channa 'Gladiator' sequel-ah hian All Of Us Strangers star Mescal chu Emperor hlui, Commodus tupa ni chungin gladiator Lucius a rawn ni ve tawh dawn thung a, trailer-ah hian Colosseum-ah water battle leh, Mescal leh samak insual laite pawh a lang. 'Gladiator II' ah hian Mescal bakah Pedro Pascal, Josesph Quinn leh Denzel Washington-te pawh an chang a, Ridley Scott chu director a ni. Russell Crowe khan Gladiator kha a chet ṭhat pui hle a, Oscar awards pawh panga dawngin, heng zingah hian best actor award pawh a tel.