Windows 7 leh 8.1 a him lo

20th January, 2015

Him lohna tam tak a nei ngei ang tih chu a hriat sa a, famkim a ni lo, mahse Windows OS pahnih 7 leh 8.1 te hian sawisel a la hlawh chhunzawm zel a, tunah pawh Google chuan a him tâwk lohna a rawn pholang leh tawh.

Google chuan bug pahnih a rawn thailang a, hei hian Microsoft kutchhuak hi a him tawk lohna tam tak a awm rinna a siam nasa lehzual. Bug pakhat zawkah chuan attacker-ten user te lem changin, Windows 7 leh 8.1-a data-te an decrypt thei a ni.

Google hnuaia Project Zero chuan khawvel puma web, application leh communication service-te ṭhat lohna an zawng char char ṭhin a, hei hian thil tam tak chu a rintlak leh rintlak loh a tifiah a, a siamtute pawh him zawka siam dan a kawhhmuh a, a lehlamah chuan a ṭha ang reng hle.