Britney ex Taliban-ten an that

Britney Spears-in ruihhlo a bansan a, tun dinhmun a thlen lehna a tur a puitu ber, a bialpa hlui, John Sundahl chu Kabul bulah Taliban-ten an chuanna helicopter an kapthla a, a thi.

Kum 2007 vela Britney Spears nungchang chhe lutuk leh tlachhe lutuk kha mi tam tak chuan kan la hria ang. Khatiang dinhmun aṭanga a chhuah a, nun pangngai a neih theih nan, khatihlaia Britney bialpa, John Sundahl hi a ṭangkaiin, Britney hi a pui nasa hle. Zu avangin Britney hi a buai a, chanchinbuho lah chuan a chanchin chhe ber ber chhuah nuam an ti bawk si. John hian zu a nghei theih nan Alcoholics Anonymous a panpui a, zu nghei turin a nawr a, kawng ṭha a zawhpui char char a ni.

John hi Afghanistan-ah hian private company pakhata thawkin, an hna ber chu Afghanistan-a official awmte phurh kual a, an hnathawhna tur hmuna dah a ni. A a hna a thawh lai hian Taliban-ten an chuanna helicopter hi an kap thlaa a thi ta a ni.

Britney nen hian an inngai­zawng rei vak lo a, thla nga chhung chu an inngaizawng hman.