Sam Smith ten mi hla a ru em ni? Buai a hnai

Hetiang thubuai hi a tam thei khawp mai; plagiarism leh copyright hi khawthlang lama an thubuai neih lar awl a ni mai thei. British singer hlawhtling Sam Smith pawh mi hla thua rua puh a ni.

Sam Smith chauh a ni lo a, Eliza Doolittle chu a mawhphurtu bera puh a ni, heng mite pahnih hian hla lar, an pahniha an sak dun, chart-ah pawh lang phaa hla thu chu mi hla thu awmsa an hmanchhawnsak nia puh a ni.

Hla phuah thiam Katie Farrah Sopher chuan a ngaihzawng hlui pakhat chuan a hla bu a ruksak niin a sawi a, chu a hla bua hla thu chu Smith leh Doolittle ten hla an siam tharah a rawn lang tih sawiin, he a hla bu hi a ngaihzawng hlui pakhat chuan music industry-ah a hralh chhawng niin Sopher hian a sawi. Sopher hian a hla thu an hmansak avang hian $320,000 chawi turin thubuai a thehlut a ni.