Sunanda case: Shashi Tharoor-a thu zawhfiah a ni dawn

Union Minister hlui leh Congress MP Shashi Tharoor chu nikum Ferbuary thlaa hotel-a a nupui, Sunanda Pushkar thia hmuh a nih chungchangah thu zawhfiah tura kohna pek a ni.

Delhi Police Commissioner BS Bassi chuan, "CrPC section 160 hnuaiah Shashi Tharoor hi hriattirna pek a ni a, ni reilote hnuah thu zawhfiah a ni ang," a ti.

Bassi chuan Sunanda thihna kaihhnawihah hian midang pawh eng emaw zat thu an zawt tawh tih a sawi a, he thubuai chhuitu SIT(Special Investigation Team) chuan thutlukna a siam thuai tur thu a sawi.

Kum 52 mi, Sunanda Pushkar hi kum 2014, Ja­nuary 17 khan Delhi hotel-a a room-ah thia hmuh a ni. All India Institute of Medical Sciences (AIIMS) aṭanga final autop­sy report an hmuh hnu, kumin January 1 khan Delhi Police-te chu tualthah thubuai an ziaklut.

Thubuai ziahluh a nih hnu hian SIT chuan Tharoor te awmpui chu thu an zawt nghal a, ani bakah hian an chhungkaw ṭhian pahnih leh, Indira Gandhi International airport staff member-te pawh thu an zawt tawh bawk.