Kum sawm hnuah Sêni kan hmu leh ta

Kum 10 kalta khan a nuṭa, Tetea nena J&J tia kan hriat ṭhin 'Min ṭhen long' tih an larpui hnu khan Sêni tia kan hriat, Lunglei zaithiam tih ṭhin, J. Lalremruati chuan music video thar a rawn tichhuak ve leh ta.

Sêni hla thar hi 'Inhrilh dûn ang' tih a ni a, zanin hian Zonet Zawlbukah tihchhuah a ni dawn a, tunhma ai khan Sêni hi a zaithiam lehzual turah kan beisei ngam ang. Khatia an lar viau hnua an unaua an reh leh tak vang vang khan zai a chawlhsan lo a, phai lamah a zai char char a, eizawn nan tak tak a hmang a ni. Chuvang chuan hma a sawn viau turah a beisei ngam a, music thar pawh beisei ila kan tisual em lo ang chu maw.

Inhrilh Dûn Ang music video hi Gabriel Graphix, Champhai lam kutchhuak daih a ni a, anni hi Triau Trackx lar chhuahna 2 leh 4 kha an kutchhuak a ni a, an kutchhuak kan hmu tawh a, a chhe lo ang tih a hriat. Makeup lamah hian Chhantei an hmanga designer-ah Toby an hmang bawk. A music hi tunlaia kan musician neih ṭha zinga mi PB Lianhminga a ni a, Ocean Studio-a an record a ni.

Kum 2002 khan Sêni leh a nuṭa, Tetea te hi J&J tiin an rawn lar ṭan a, kum 2006 khan 'Min ṭhen long' album an tichhuak a, a hit a, a lar hle. An vanglai an hmang dawn chauha zaia eizawngin, Chennai-a Five Star hotel-ah an kal leh daih a, hei vang hian Mizoramah hnuhma an hnutchhiah tur ang an la hnutchhiah lo. Tunah chuan Mizoramah an rawn chuang chhuak leh tawh a, hnuhma tam zawk an nei ang.

A nuṭa, Tetea, J. Lal­thleng­liana hian nikum khan 'Kan Zoram hi' tih music video a tichhuak bawk a, hei hi Zoram insuihkhawmna hla a ni.