Matt Healy-an Swift a rîm lo

Nikum kumtawp lam aṭang khan The 1975-a an vocalist leh Taylor Swift te an inngaizawng deuh anga sawi a ni a, mahse The 1975-a an vocalist Matt Healy chuan Taylor Swift hi a rîm lo tih a sawi.

Healy chuan, "Heng zawng zawng hi dawt mai mai a ni," tiin a sawi chhuak. An inbe ngun hle ni anga an sawi pawh Healy chuan dawt mai mai niin a sawi bawk. Hun an nei lo a, an buai a, chuvang chuan a biak pawh an inbe hman lo tih a sawi.

"Hmuhte chu kan inhmu tawh a, kan inbia a, phone number te pawh kan inpe ngei alawm. Hei te chu mi tih loh dan a ni hleinem, khawvel hmun tinah an tih dan tho alawm," tiin, number an inpek avang leh, an inhmuha an inbiak avanga inngaizawng ta anga an sawi chu a dik lo tih a sawi.