Xiaomi hralh a kal leh ṭek ṭek

Chinese smartphone company Xiaomi chuan nimin khan an smartphone pahnih, Redmi 1S leh Note 4G te an hralh chhuak a, hralh a kal cher cher hle. Hralh zawh nan hun a duh rei lo leh hle.

Thawhlehni khan Redmi 1S hi 30,000 zawrh chhuah a ni a, Redmi Note 4G hi unit 60,000 zawrh chhuah a ni bawk a, mahse register user tan chauha lei theih a ni. Tun hi heng smartphone pahnih a ruala India-a Xiaomi-in an hralh chhuah ṭum thumna a ni. Dawrah lei turin an pe chhuak ngai lo a, Flipkart kaltlangin flash sale a ni ṭhin.

An zawrh chhuah hnuhnun ber ṭum khan Redmi 1S hi Flipkart hian unit 50,000 zet chu second 11 chhung lekin an hralh zo vek hman a, Redmi Note 4G unit 50,000 chu minute 2 leh second 50 chhungin an hralh zo bawk.

Redmi 1S hi Flipkart hi Rs. 5,999-in a zuar a, Note 4G hi Rs. 9999-in a zuar thung.