Quiet Riot drummer Frankie Banali a thi
Quiet Riot drummer Frankie Banali chu Ningani liam ta khan Los Angeles-ah 'pancreatic' cancer vangin kum 68 mi niin a thi.
Banali nupui Regina chuan a pasal thih chungchanga thuchhuah a siamah chuan Banali hian nikum April thla aṭang khan cancer hi a vei tawh tih a tarlang a, thla 16 chhung huaisen taka he natna hi a do hnuah a thi ta tih a tarlang a ni.
Quiet Riot bakah hian W.A.S.P., Billy Idol leh Faster Pussycat tante pawh khuangpu a lo ni tawh ṭhin. Frankie Banali hi kum 1951-ah piangin kum 1982 khan Quiet Riot hi a zawm a, an band hi a hlawhtlipui hle a, Billboard 200 chart-a No.1 ni thei album-te pawh an tichhuak tawh nghe nghe. Quiet Riot classic lineup member zinga an band-a la tel awmchhun a ni a, band line-up inthlak fo mah se an band hi a chhuahsan ve duh lo a, nikum pawh khan Hollywood Cowboys album an la tlangzarh a ni.