MSL Dance Battle
Mizoram Super League entertainment package chhunga Dance Battle siam turah dance crew an inbuatsaih nasa ta. Live-a tihchhuah tur a nih dawn avangin dance crew an ṭang a, thil dangdai tarlan an tum a, a hmuhnawm viau ang. Dance Crew te hi MSL team-te nena thawkho tur an ni a, team pakhatin crew pahnih (home & away) zel an nei thei ang. Crew pakhatah hian dancer 4 - 6 an awm thei ang. He inlâmsiak, Mizoram Super League khelh tur nena inkawp turah hian match tinah crew pahnihte an intihsiak zel ang a, intihsiaknaa a chak zawk hian Rs. 1000 an dawng ṭhin dawn a, a pumpuia thiam ber, Best Dance Crew-in Rs. 10,000 an dawng ang.
MSL Dance Battle-ah hian crew 12 a tel theih dawn a, tel duh turte chuan vawiin aṭanga Inrinni thleng hian Mizo Dance Camp, Electric vengah inpek luh tur a ni. Crew te lâm hun chhung tur hi 3-5 minutes choreograph a ni ang. Dancer mal hi dance crew pakhatah chauh zel a tel theih dawn a ni. MSL match ṭan hma zelah Dance Battle hi neih tur a ni.