BTS-in YouTube-ah record an siam

Bangtan Boys chuan Zirtawpni liam ta khan English hla thar 'Dynamite' an tichhuak a, biggest premiere record an siam nghal a, premiere a nih rual hian thlirtu maktaduai 3 vel an awm.

Biggest premiere record bakah hian Korean group zinga thlirtu maktaduai 10 nei chak ber an ni bawk a, minute 22 chhungin thlirtu mtd 10 an nei hman a, an record siam tawh sa anmahni bawkin an khum leh a ni.

'Dynamite' hi an album tlangzarh leh tura mi a ni dawn a, kumin hian an album thar hi tihchhuah hman an tum bawk. K-Pop megastar - RM, Jin, SUGA, J-Hope, Jimin, V, leh Jungkook-te hla thar 'Dynamite' hian darkar 24 chhung­in thlirtu mtd 101.1 an nei hman a, YouTube thupuangtu chuan Pathianni khan hemi chungchang hi sawi chiangin record thar an siam thu hi a sawi a ni.

Streaming service lamah pawh record siam bawkin kumin chhunga biggest Spotify debut record an siam a, darkar 24 chhungin stream mtd 7.779 a nei hman. iTunes lamah pawh records a siam bawk a, ram 100-a No.1 ni thei hmasa ber niin darkar 8 chhungin he record hi an siam hman a ni.