RHCP guitarist hlui Jack Sherman a thi

25th August, 2020

Red Hot Chili Peppers guitarist hlui Jack Sherman chu kum 64 mi niin August 18 khan a thi a, a thih chhan hi tarlan a la ni lo.

Jack Sherman hi RHCP guitarist pahnihna niin an album hmasa berah khan guitarist a ni a, an album pahnihnaa mi tur hlate pawh a la phuahpui a ni. Bob Dylan, George Clinton, Feargal Sharkey, leh Peter Case-te pawh a thawhpui tawh ṭhin bawk.

Sherman hian kum 1984 khan Hillel Slovak a thlak a, mahse kum 1985 khan Slovak hi an band-ah a kir leh avangin band hi a chhuahsan leh ta a ni.