'Planes, Trains and Automobiles' remake-ah Will Smith leh Kevin Hart

Kum 1987-a tlangzarh daih tawh, comedy film 'Planes, Trains and Automobiles' siam thar leh turah Kevin Hart leh Will Smith-te chu an chang dun dawn niin The Hollywood Reporter chuan a tarlang.

Kum 30 chuang liam taa comedy film tihchhuah hit tak mai 'Planes, Trains and Automobiles' kha John Hughes-a direct a ni a, a hunlai khan a lar rem rem hle a, US Box Office chart-ah kar sarih ngawt Top 10-ah a lang a, film siamna atan pawh $makatduai 30 vel lai an hmang a ni.

Kevin Hart leh Will Smith-te hian anmahni version-in an rawn thar thawh leh dawn a, Hartbeat Productions leh Westbrook Studios-te chu hmalatu tur an ni a, Paramount an thawhpui dawn. Aeysha Carr chuan script a ziak dawn a, a film hmasa tunlai version-a siam thar leh a ni ber dawn a nih hmel.