Tak3n boycott an tum
US-a silai siamchhuaktu company lian tak pakhata an hotute chuan firearm expert-te chu Liam Neeson-a thusawi avangin Tak3n boycott turin a nawr hlawm.
Jan 16 khan Tak3n promote-a Dubai a kalnaah Liam Neeson hian France-a firfiakte chetna sawi chhuakin, mimala silai kawl khap a duh thu a sawi. France-ah hian Charlie Hebdo-a thawkte firfiakten an kaphlum a nih kha. Hemi chungchangah Liam chuan, "America-ah hian ka hriat dan chuan mihring maktaduai 320 vel kan awm a, silai maktaduai 300 vel a awm bawk. Hei hi American ten mimala an kawl a ni. Hei hi a pawi hlein ka hria. Kar tin mai hian chanchinbu chhiar ila, school-ah naupang dang pawh an that leh ta, tih hi chhiar tur a awm reng mai a ni," a ti.
Liam hian sawi zelin, heng harsatna leh buaina tihtawpna ṭha ber chu mimalina silai a kawl khap tlat a nih thu a sawi a ni.
He a thusawi hian Para Usa-a silai siamtute rilru a khei hle. Anni hi Tak3n-a hman tur silai thawhtute an ni. Liam-a thusawi hian US dan, Second Amendment leh American Liberties a tiderthawng hle niin an sawi a, an sumdawnna atan ṭha loin an hre bawk.