Grammy-ah tute nge zai dawn?

Grammy Awards sem turah hian zaithiam zai tur an ṭhat hmel a, lar vak lo zai tur an awm dawn lo a ang.

Zai tur langsar zingah Miranda Lambert, Sam Smith, Usher leh Pharrell Williams te hi sawi chhuah hmasak loh theih loh an ni ang. Anni bakah hian rock music khawvela chuai thei lo AC/DC an zai ang a, Eric Church, Ariana Grande, Ed Sheeran leh, tar hmabak, la chuai chuang si lo Madonna te an zai bawk ang.

Performer tur zingah hian Sam Smith leh Pharrell Williams te hian nomination paruk ve ve an hmu a, hma hruaitu an ni. Grammy hi February 8 hian sem a ni ang a, LL Cool J chuan a host ang.