Dyslexia avanga buai ṭhin Aniston

Number a hre thei lo a, spelling-ah a chak lo em em. Lehkha a thiam theih loh phah a, school-ah vawi tam tak a zak tawh. Heng hi Jennifer Aniston-i harsatna tawh ṭhin a ni. Mizo zingah pawh hetiang harsatna, chak lohna nei tam tak an awm a, heng mite chak lohna hi a chhan hre hawt loa ngaihsak zui a ngai ṭhin. Dyslexia avang hian school naupang tam tak chuan ṭhiante nuihzat an tawh phah fo.

Hawrawp ṭhenkhat chu a letlingin an ziak tlat mai thei, spelling awlsam tak tak anga lang a hre lo fo ang a, lehkha zir harsa a ti ang a, a ning fo ang. Heng hi Dyslexia neite awm dan a ni ṭhin. Hetianga naupang an awm hian an thiam theih loh hrim hrim vang emaw, an zir peih loh leh an zirlai an ngaihtuah loh vang a ni lo a, natna chi khat, Dyslexia an neih vang a ni fo. Dem loin a chhan zawng chhuak ṭhin ang che.

Jennifer Aniston pawh hian a naupan lai aṭangin dyslexia a nei ṭhin tih a sawi a, mahse he harsatna hi kum 20 a nih chhoh hma kha chuan eng harsatna nge a ni tih an hre chhuak lo. "Ka naupanlai chuan ka smart lo bik hlein ka hria a, engmah hi ka vawng zui thei lo, ka theihnghilh zel mai," a ti. he natna neite hi chuan a bika ngaihven leh ngaihsak an mamawh ṭhin.

Brad Pitt nena an inṭhen hnuah ngaihzawng nghet tak a nei lo vang vang a, tunah chuan a nei nghet tawh mai ni loin Aniston te hi an inhual ta hial. Theroux nen an inhual a, a bula awm a nuam a tiin nelawm hlein a hria. Fa neih chungchangte pawh an sawi deuh ut ut ngam tawh a ni.