Stefani te nupa an hlim

Hollywood leh milarte nunzia kan hria a, mi hrang hrang an tawng a, inneihna pawhin a daih rei lo fo ṭhin. Hetiang harsatna hi milar ve ve inneiah a nasa zual a, mahse No Doubt-a mite pahnih - Gwen Stefani leh Gavin Rossdale-te erawh kum 12 zet an innei ta.

Gwen leh Gavin te hian fa pathum - Kingston, k 8, Zuma k 6 leh Apollo, thla 11 mite an nei tawh a, tunah hian an nupa nun a la hlim hle. Hetianga chhungkaw hlim taka an khawsak theihna chhan chu an induhzawng a inan vang niin Gwen chuan a sawi.

Kum 45 mi Gwen chuan, "Hun rei tak tiin kan sawi ve thei tawh ang. Kan hun hman liam takte ka thlir kir hian thil pakhat, pangngai reng, inthlak ve lo a awm a, chu chu kan duhzawng thuhmun hi a ni. Inneih kan duh reng a, kan innei a, nu leh pa nih kan duh ve ve a, kan pahniha kan thil tih dun kan chhuang em em ve ve a ni," a ti. Gavin hi tunah hian kum 49 a ni.

Stefani hian tunah hian a solo album pathumna tur a buatsaih mek a, chhangchhe nu nih hnua hetiang buaipui chu a hautak hle niin a sawi. Fate enkawl a ngai a, in chhung khawsak ngaihtuah a ngai bawk a, a indaih lo hle. Mahse a pasal hian a pui nasa a ni.