Resident Evil chang leh hnai

Zombie film zinga hlawhtling ber pawl, Resident Evil chu chhunzawm a la ni dawn a, a changtunu ber, Mila Jovovich chuan August thla aṭangin an chang ṭan ang tih a sawi.

Tuna an chan leh tur hi Resident Evil: The Final Chapter a ni a, he film-a a changtunu ber Mila Jovovich hian a nau a pai avangin duh angin a chhunzawmna hi an buaipui lawk thei lo a, August thlaah hi chuan film chang thei tur khawpa a in-fit leh hman a inbeisei tawh a ni.

Nikum August thla khan Jovovich leh a pasal, Paul WS Anderson te chuan an fa pahnihna an pai tih an puang a, hei vang hian Resident Evil pawh an buaipui chhunzawm thei mang lo a, nau an neih hnuah Jovovich hi a in-fit leh phawt a ngai a ni.