Kum 2014 film-ah The Hunger Games
The Hunger Games: Mockingjay Part 1 kha tun thlengin theatre tam takah an la chhuah a, a la hlawhtling zel. Tunah chuan record a siam der tawh a, kum 2014-a movie chhuak zinga sum lalut hnem ber a ni.
Box office aṭanga sum lakluh hnemah hian Gurdians of the Galaxy nen an inel hle a, mahse The Hunger Games hian pakhatna a rawn luah ta a ni. January 21 thlenga sum an lkaluhte chhinchhiahah, ticket hralhna aṭangin The Hunger Games: Mockingjay Part 1 hian $mtd333.2 zet a lalut tawh a, Guardians hian $mtd333.17 a lalut thung.
Mockingjay Part 1 hian November 21-a release kha a ni a, US chauh ni lo, ramdanga a lakluh tawh zawng zawngte nen phei chuan $mtd700 zet a tling tawh. China-ah February 8 hian an tichhuak ṭan veleh ang a, he ram hi US dawta movie tana market ṭhat berna ram a ni a, sum tam tham tak a lakluh belh ngei ang.
Tunah hian The Hunger Games: Mockingjay Part 2 buaipui leh mek a ni a, he film hi kumin November 20 hian tihchhuah tum a ni. Teh Hunger Games hi Jennifer Lawrence rawn lar chhuahna film a ni a, ani bakah hian Josh Hutcherson leh Liam Hemsworth te Mickongjay Part 2-ah hian an chang ang.