Hero Motocorp hotute Aizawlah an rawn kal

Karizma R leh ZMR Mizote zingah hralh a tla hle a, hei vang hian Hero Motorcorp Ltd. pawn Mizoram an hre viau. Kar kalta, January 22-23 chhung khan he company-a Market Quality Survey chuan Aizawl an rawn tlawh a, an kutchhuak khalha neitute nen an inkawmho.

Mizorama an dealer, Khaia & Sons chu authorised dealer-a thlan an ni bawk a, authorised dealer hi India ramah pali chiah an awm a ni.

Hero hotute leh an siamchhuah khalhtute hi inkawmin, Mizotena automobile technology lam kan hriatna zauzia an hmuhin mak an ti hle. He hunah hian Karizma R leh ZMR-a an sawiselna hrang hrang leh, modify ta se engtin nge an tih ang tih an zawt a, mipui lam hian egine kill switch, monoshock suspension, rear disc brake te awm se, tiin rawtna an siam a, an ngaih pawimawh zui a rinawm viau.