Katy Perry-in TLC a ṭanpui

TLC hi hre lo tam tak kan awm tawh mai thei, 90s chho vela hmeichhe group rawn lar an ni a, an hla hit tak chu Waterfalls kha a ni. He girl group chuan label nghenchhan miah loa album tihchhuah an tum a, an album tihchhuahna tur hian Katy Perry chuan pawisain a ṭanpui.

Lisa 'Left Eye' Lopez thih hnuah TLC hi an chau hle a, thawm pawh an ei mang tawh lo a, tunhnai aṭang khan a dam pahnih - T-Boz leh Chilli ten hma an rawn la ṭha leh a ni.

TLC-a a la dam pahnihte hian label-tena suma an ṭanpuina tel miah loa album tihchhuah an tum a, khawthlang ram angah chuan hetianga album tihchhuah hi a hautak hle. Katy Perry chuan an harsatna hi a hriatthiampui hle a, $50,000 zet ṭanpui nan a pe. Album tihchhuah nana an sum mamawh zat hi a tlem berah $150,000 lai a ni a, mahse tunah chuan TLC hian hetiang zat sum hi an hmu tling tawh a ni.