TRNSMT festival headline Calvin Harris

Scotland music festival lian ber, TRNSMT chu Pathianni zan khan chart-topping DJ Calvin Harris hoin khar a ni ta.

TRNSMT hi Glasgow Green-ah neih a ni a, ni thum chhung an hmang. A zan khatna, Zirtawpni zanah khan Liam Gallagher a headline a, a zan hnihnaah Castlemilk singer Gerry Cinnamon hoin an hmang thung. Euro 2024 final zanah festival kharna hi an nei ve thung a, festival hmangtu zingah pawh Spain leh England flag keng an awm nual a ni. TRNSMT hi kum 2017 aṭang khan hmang ṭanin, kumtin hman chhoh a ni. Kumin festival-ah hian nitin chhimtu mi 50,000 vel zel an awm a ni.