Travis Scott entawnah Blackpink Lisa an puh

Korean netizen-te chuan Blackpink member, Lisa chu a music video thar, 'Rockstar'-ah Travis Scott “FE!N” music video entawnah an puh.

Lisa team hian Travis Scott-a music video director, Gabriel Moses pawh a hmain an lo bepawp a, a video editor chuan 'Rockstar' music video hi a siamsak thei em tih pawh an zawt a, mahse Moses hian a lo hnar a, hetichung hian “FE!N” tana an tih ang chu an lo entawn ta tho niin a sawi. July 4 khan Moses hian Lisa chu an thiltih entawnah puhin a lo sawilang tawh a, music video pahnihte inanna hrang hrang pawh a tarlang a ni. Lisa fan-te chuan Moses hi an sawisel zui nasa hle a, online lamah pawh an ankhum nasa viau. Mahse Lisa company lam hian chhanna engmah an sawi lo a, a hnuah Lisa team-in Moses hi an lo bepawp ngei tih hriat a nih leh tak avangin, Lisa hian beih a tawk zui ve leh ta thung a ni.