Coldplay-in Rome Concert-ah hla thar perform

British band, Coldplay chuan Rome, Italy-a concert an neihnaah fan-te an surprise a, an hla la tih chhuah loh, 'Good Feelings' chu a vawikhatna atan an perform.

'Good Feelings' hi a tirah chuan 2021 album "Music of the Spheres"-a telh tura an ruahman a ni a, mahse telh a ni ta lo a, Coldplay album thar, "Moon Music" tih chhuah turah a rendition tharin telh a ni thung ang. A original version-ah hian The Chainsmokers an thawhpui a, mahse an siam tharah hian Nigerian artist Ayra Starr an thawhpui thung. "Moon Music" album hi October 4 hian tih chhuah a ni dawn a, he album-a mi, "Feelslikeimfallinginlove" single chu an lo ti chhuak tawh a ni.