BTS Jin-a'n 2024 Olympic meichher a keng ta

BTS member Jin chuan July 14, France-in Bastille Day a lawm ni khan, Paris khawpuiah Paris 2024 Summer Olympics neih tura atan Olympic torch relay-ah telin, Avenue Rivoli aṭangin Olympic meichher chu a tlanpui a, minute 10 vel a tlanpui hnuah French national freestyle skiing champion hlui, Sandar Laoura hnenah a hlan chhawng.

Torch Relay hi nikum April thla khan Olympia, Greece aṭangin neih ṭan a ni tawh a ni. Jin hi Korean singer zingah an ram pawn lama Olympic Torch keng thei hmasa ber a ni a, Army lam pawh an phur a, X-ah pawh Olympic meichher a keng lai thla chu a viral nghal a ni. Olympic torch relay-a tel tur hian Ningani khan France hi a thleng a ni.