Lehkhabu bawm : 'Mizo Vangkhaw Mawitu' tlangzarh

Zachhingpuii, kum 82 mi lehkhabu ziah, 'Mizo Vangkhaw Mawitu' tih chu nimin khan tlangzarh a ni.

He lehkhabuah hian a u R Chaldailova, kum 96 nena an naupan lai aṭanga an thil tawn hriat, Mizo thil chi hrang hrang tarlan a ni a, zirlaite puitu atan pawh ṭha tak tur a ni. A bu chhungah hian Zo pa in saka thil pawimawh hrang hrang te, Zo pa in chhung awm dan, Mizo rimawi chi hrang hrang, Mizoin ruah leh thli chi hrang hrang kan neih te, chhum chi hrang hrang leh arsi hming chi hrang hrang kan neih te bakah Mizo mipa leh hmeichhe naupang infiamna chi hrang hrang leh pawnto hlate pawh dah tel a ni. Zachhingpuii hian tun hmain lehkhabu a la ziak ngai lo a, a kum 82 tlin champhaah a lehkhabu hmasaber hi a tlangzarh ta a ni.