Pawn lam aiin chhungril Paulina-in a duh zawk

Miss Universe-a thlan thar, Paulina Vega chuan pawn lam mawina leh ropuina aiin chhungril ṭhatna leh nghehna a ngai pawimawh zawk.

Miss Universe-a thlan a nih hnu lawkah, Huffington Post-in an kawmnaah, "He intihsiaknaa kan tel hian naupang zawk leh tleirawkte entawn tur kan ni a, mahse hei hi chu a daihrei lo. Hei hi mawi tur leh ropui tura thil pawimawh ber a ni lo. Pawimawh zawk chu mahni mawia inngaihna, finna, thawhrimna leh rilru tluang tak put hi hmeichhiate tan chuan a pawimawh a, chutiang chu tihlan leh mi hmuhtir ka tum a ni," a ti.

"Ka chak ber ṭhin leh ka suangtuah ṭhin chu New York-a chên a ni a, tunah chuan ka suangtuahna chu a takah ka chantir tawh dawn a nih hi," a ti. Plastic surgery chungchang an zawt a, "Tuna an uar luih luih hma kha chuan hetiang, miss thlan velah hian plastic surgery pawh hi pawm nise ka ti ṭhin," a ti a, "Ka pianpui ang ang hi kan put zui hi a ṭha berin ka hria a, a chhan chu mitin hi mawina hrang ṭheuh neiin kan piang chhuak a ni," a ti. Inzai hmelṭhatna lam chu engmah a ti lo a, chutiang chuan a ti ngai lo ang tih Paulina Vega hian a sawi.