CS Global Offensive-a hlawh hnem ber

Counter Strike game khawvelin an khelh nasatzia i hria a, hlawh pawh a ṭha. Competition-a prize mai a ni lo a, hei baka sum hlawhna tur a tam. Tunlai khawvela CS:GO bika hlawh hnem ber i hre duh em? TSM an ni.

Khawvel hmun hrang hrangah organization hrang hrang an awm a, chung organization-te chuan an hnuaia team-te pawisa hlawhin an chhawr ṭhin a, tournament-a an chhuah pawhin organization hming a ṭhen chuan an pu zui mai ṭhin. A hmaa Counter Strike-a organization lar ṭhin chu X Games Aspen an ni. Tunhnai lawk khan Counter Strike scene-ah hian Team SoloMid an rawn lang a, anni hian team ṭha lakluh tur an zawng a, Danish player thiam rual, Team Dignitas an lalut. January 25 aṭang khan Dignitas chuan an player-te Team SoloMid-in an lalut tih an puang.

Team SoloMid-a tel tur hian Counter Strike: Global Offensive hian pawisa tam tak nen Dignitas hi an thlem a, an thlem hlawhtling ta a, Counter Strike khawvela hlawh hnem ber an ni dawn.

TSM-a player-te hian thla tin $3,000 ṭheuh an hlawh dawn a ni. Hei bakah hian TSM hian an player-te chu Valve sticker sum zawng zawng an pe vek dawn bawk tih an sawi. Intihsiakna reng rengah, an hlawhtling a nih chuan SoloMid hian prize money a laksak dawn lo a, player-te hian an chang vek bawk ang. Tournament hi online emaw LAN emaw pawh nise, an pawisa dawn tur hi a dang chuang dawn lo.

Mahse CS hian League of Legends lam erawh a la pha lo hle thung. League of Legends khawvela hlawh hnem ber, GoldPer10 hnuaia player te chuan thla tin $20,000 an hlawh bakah, prize money zawng zawng an chang bawk. Hei bakah hian hamṭhatna tam tak an nei bawk.