Amitabh a inngaitlawm Mamata Banerjee a chhang lêt

Bollywood khawvela mi hlawhtling Amitabh Bachchan hian chawi­mawina chi hrang hrang a dawng tawh a, tun Republic Day-ah khan Padma Vibhusan a dawng a ni. Hemi chungchangah hian Mamata Banerjee, West Bengal CM chuan a duhkhawppui lo hle a, Amitabh erawh chuan a phu loh a dawng niin a sawi thung.

Mamata Banerjee hian Amitabh Bachchan chu India leh Indian movie tana a hnathawh leh a contribution ngaihtuah hian Padma Vibhusan chauh ni loin, Bharat Ratna dawng âwm zawk a ni tih a sawi. Politic rilru aṭanga sawi chhuak nge a nih, a rilru tak tak tih erawh a hriat loh.

Kum 72 hi lemchan thiam Amitabh hian a hmain Padma Bhusan leh Padma Shri te a lo dawng tawh a ni.

Amitabh hian Mamata thusawi hi chhang letin, "Chutiang em em ka phu hleinem. Ka ramin min chawimawi tawhna ringawt pawh hi ka phu lo tak zet a ni," tiin, Bharat Ratna te meuh zawng, ani ang tan chuan a phuawm loh tih a sawi.

Padma Vibhusan hi India rama civil mite chawimawina sang ber dawttu a ni a, tun Republic Day-ah khan Amitabh bakah, actor lar ṭhin, Dilip Kumar-a hnenah leh, midang pasarih hnenah hlan a ni.