Greta Gerwig hnenah 2024 Pioneer Of The Year Award hlan dawn

Khawvel huapa film hlawhtling, 'Barbie' director Greta Gerwig chu chawimawina ngaihhlut hlawh, 2024 Pioneer Of The Year Award hlan a ni dawn tih Will Rogers Motion Picture Pioneers Foundation (WRMPPF) chuan a puang. Gerwig hi Elizabeth Banks dawta hmeichhe director zinga he chawimawina dawng thei awmchhun a ni ang.

Award ceremony hi September 25 hian Los Angeles-a The Beverly Hilton-ah neih a ni dawn. Gerwig hi 'Barbie' bakah 'Lady Bird' leh 'Little Women (2019)' director a ni bawk a, heng film pathumte hian Oscar-ah Best Picture nomination an hmu vek a ni. Nikuma an tih chhuah, 'Barbie' film khan USD tld 1 chuang a la lut thei a, hmeichhe direct film zingah hetiang dinhmun thleng thei hmasa ber a ni. Director anga a hlawhtlin chhoh hma hian Gerwig hi actress leh screenwriter-te pawh a lo ni tawh ṭhin. Tunah hian Netflix-a tih chhuah tur, C.S. Lewis "The Chronicles of Narnia" a buaipui mek.