1000 crore club-ah 'Kalki 2898 AD'

Prabhas channa, 'Kalki 2898 AD' chu box office lamah a la che ṭha chhunzawm zel. Film production company, Vyajayanthi Films chuan June 27-a tlangzarh, mythological sci-fi drama hian Rs vbc 1,000 a la lut tling tawh tih a sawi.

He film-in hlawhtlinna a chan lawmna pualin, Prabhas Fans Association chuan Visakhapatnam-ah fahrahte hun an hmanpui a ni. Naupangte hi ei tur bakah lehkhabu leh an mamawh tur dangte an sem a ni. Prabhas pawhin 1,000 crore club-ah an film a tel ve thei chu fan-te vang nia sawiin lawmthu a hrilh a, a fan-te tello chuan engmah a ni lo tih a sawi. 'Kalki 2898 AD'-ah hian Prabhas bakah Deepika Padukone, Amitabh Bachchan leh Kamal Haasan-te an chang. Hindi, Tamil, Telugu, Kannada leh Malayalam-a tih chhuah a ni a, Vyajayanthi Movies-in a produce a ni.