Fall Out Boy-in hma an hruai

Rock band hlawhtling Fall Out Boy chuan an hlawhtlinna Buillboard-ah an rawn tarlang leh a, Billboard Hot 200-ah an album thar, American Beauty/American Psycho chuan pakhatna a rawn hauh.

Fall Out Boy album thar hi a vaiin copy 218,000 zet hralh a ni a, heng zinga copy 192,000 lai chu album pangngai a ni a, a dang chu equivalent album-in a ni. He album hi Fall Out Boy-in album an tihchhuah tawh a, kar khat chhunga an hralh hnem ber dawttu a ni. Kar khat chhunga an la hralh hnem ber chu kum 20007-a an tihchhuah, Infinity on High kha a ni a, kha album kha kar khat chhungin copy 260,000 zet an hralh. Kum 2013-a an tihchhuah Save Rock and Roll pawh kha kar khat chhungin copy 154,000 zet an hralh bawk.

Taylor Swift album chu pahnihnaah a la awm a, copy 119,000 zet an la hralh thei. Swift album 1989 hi hapta kaw (9) chhung chart-ah pakhatna a hauh tawh a, pahnihna ṭum li zet a ni tawh bawk.

Kar hmasaa pakhatna hauhtu Meghan Trainor chu a album, Title chu pathumnaah a chhuk thla a, copy 86,000 lai a hralh belh. Ed Sheeran-a album hit X chu palinaah awmin, copy 76,000 zet a la hralh thei cheu bawk.

Billboard 200

"American Beauty/American Psycho" - Fall Out Boy (218,000)

"1989" - Taylor Swift (119,000)

"Title" - Meghan Trainor (86,000)

"X" - Ed Sheeran (76,000)

"B4.Da.$$" - Joey Bada$$ (58,000)

"The Pinkprint" - Nicki Minaj (54,000)

"What a Terrible World, What a Beautiful World" - The Decemberists (51,000)

"The Pale Emperor" - Marilyn Manson (51,000)

"In the Lonely Hour" - Sam Smith (50,000)

"Uptown Special" - Mark Ronson (49,000)