WWE Hall of Fame-ah Arnold

Terminator star, Arnold Schwar­ze­negger chu Hollywood Hall of Fame-ah ni loin, World Wrestling Enter­tainment Hall of Fame-ah lakluh a ni dawn!

Wrestling leh Arnold inkaih­hnawih­na hi i hre lo a ni mai thei a, mahse wrestling en ṭhin i nih chuan i hmu ṭhin thung ang. Arnold hi vawi tam tak Monday Night Raw leh Smackdown-ah te a lang ṭhin a, a tan chuan wrestling hi thil thar a ni lo. Body building lamah pawh hnuhma a nei ṭha hle a, Mr. Universe-ah hial thlan a lo ni tawh a ni.

Arnold-a World Wrestling Enter­tain­ment Hall of Fame-a lakluh a nih rual hian wrestler lar tak, famta, Randy Savage, wrestling ring chhunga MACho Man tia kan hriat ṭhin kha lakluh a ni bawk ang. Kumin March 15-a WrestleMania 31-ah hian Hall of Fame-ah lakluh an ni ang.