K-pop-ah beiseiawm an awm nual

Lar sa an awm a, lar sa tam tak, hlawhtling tam tak kara rawn invawrh chhuah a, rawn lar a harsa viau ngei ang. Amaherawhchu K-pop khawvelah beiseiawm tak tak an awm a, chung mite chu kumin hian khawvelin a hriat thar a beiseiawm hle.

K-pop khawvela kumina miin an beisei sân chu iKon hi a ni. YG Entertainment-in he boy band hi a siam a ni a, nikum khan award ṭhenkhatah chuan breakout star-ah an thlang. An hla Born Hater phei chuan hriat a hlawh viau tawh. US-a Pacific side lamah chuan ngaisangtu an ngah viau tawh a ni.

Girl group lamah chuan Mamamoo hi thlir mek an ni. Talent an nei ṭha a, an zaithiam tlang khawp mai. Rap tur pawhin harsatna an nei lem lo. GFRIEND pawh hi tam tak chuan Girls' Generation nena an tehkhin ṭan an ni. An hmel a inno avang hian mi an hip lehzual.

A mala zai chihoah chuan G. Soul leh Joo Young te hi miin an thlir rawn deuh an ni. G. Soul hi JYP Entertainment-ah a inup rei tawh a, a tho ṭha hle tawh tura beisei a ni. Kum 15 chhung zet chu a in-train tawh. Joo Young hi YouTube-a hla leh, Lyn nena an zai dun aṭangin hriat a hlawh viau tawh a ni. A lar ṭanna, an hriat zau lehzualna chu nikuma SISTAR member, Hyolyn nena an zai dun aṭang khan a ni.