India-ah Xiaomi an huangtau zel

Flipkart aṭangin flash sale-in an phone siamte an hralh chhuak a, tunah chuan India-ah kua an hreuh ṭan dawn ta tak tak a nih hmel. Chinese phone siamtu lar Xiaomi hian anmahni pualin website an siam dawn.

Tunah rih chuan e-commerce lian, Flipkart kaltlang hlirin an inhralh a, Xiaomi hian kumin chawhnu lam aṭang hian anmahni kutchhuak zawrhna tur, website hranpa siam an tum. An website tur hi Mi.com a ni ang.

Hemi hma hian tih tur tam tak a awm a, warehouse tur ngaihtuah a ngai a, India ram hmun hrang hrangah partner an zawn kual a ngai. Chu bakah cash leh delivery chungchangah pawh buaipui tur thil tam tak a awm. Hetiang tihfel vek nan thla thum aṭanga thla kaw chhung a ngai ang.

Smartphone lamah chuan India hi hmun ṭha a ni. Tunhnaia IDC-in a zirchiannah Asia Pacific Region-ah chuan India hi smartphone market ṭhan chakna ber a ni a, July-Sept quarter chhung ringawta India smartphone market ṭhanna hi 82% zet a ni.