Taylor Swift-in a hla trademark a tum!

Mi ṭhenkhatin a hla thu leh a album hmingte sumdawn nan an lo hmang ang tih a hlauh avang leh chutianga hman a phal loh avangin Taylor Swift chuan a album 1989 hming te, a hla thu ṭhenkhat te trademark a tum.

Taylor Swift hian hla thua a hman ṭawngkam ṭhenkhat leh 1989 te hi trademark a duh a, court-ah dilna a thlen a, court hian a la ngaihtuah lo. Court-a a thlenna hi lo a rei tawh hle a, nikum October daih tawh khan a ni a, mahse tun thlengin ngaihtuah a la ni rih lo.

A ṭawngkam hman, a hla thu leh album hmingte hi sticker-ah te an hmang a, a hriatpuina tel miah loin sumdawn nana hmangin, miin sum lakluh nan an lo hmang ang tih a hlau a ni. T-shirt-ah te an lo print ringawt ang a, a hlawkna pakhat mah a chang leh si lo ang tihte pawh a hlau tel. Milarte tan chuan heng hi a pawi pha viau zel a, sum la zel ta se, cheng maktaduai tel lakluh theihna tur a ni.