Brad Pitt-an Jolie a phurpui

Angelina Jolie hian film siam lam a tuipui ta viau a, tunah pawh hian film siam leh turin a inbuatsaih mek a, a film siam leh tur hi a pasal Brad Pitt chuan a phurpui hle.

Jolie film siam leh tur hi Africa tih a ni a, he film hi archeologist pakhat, kum 1980 chho vela Kenya-a awm, sai venhim lama theihtawpa a hnua hma la ta chanchin a ni.

Jolie hian film a siam ta fo a, a film siamte hi chanchin tak tak behchhan a nih avangin belhchian a dawl hle. Bosnia buai lai chanchin a siam tawh a, tunhnaia a film siam pawh Indopui II chanchin a ni.

Jolie leh Pitt te hi Mr. and Mrs. Smith film an chan aṭanga inngaizawng ṭan an ni a, mahse hemi hnu hian film an chang leh dun ta lo. Tunhnaiah an chang dun leh an channa hi By The Sea a ni.