Dwayne 'The Rock' Johnson-te chhungkuain Covid-19 an kai

Dwayne 'The Rock' Johnson leh a chhungte- a nupui Lauren, fanute pahnih Jasmine (4)leh Tiana (2)-te chuan kar hnih leh a chanve liam ta khan tunlai hripui leng Covid-19 an kai.

Kum 48 mi, wres­tling aṭanga lemchan lam luhchilhtu Dwayne Johnson chuan hemi chungchang hi sawi chhuakin an chhungkuaa hripui an kai chuan a 

ṭhawng hle tih leh tunah erawh an dinhmun a ṭhat tawh thu a sawi.

Instagram lama video a post-ah an chhungkuain hripui an kai tih hi a sawi a, Covid-19 an test-a an chhungkuaa an positive tih hriat chu chona lian tak leh thil harsa tak a ni tih a sawi a, chhungkua ang mai bakah mimal tak pawhin chhel taka a tawrh a ngai tih a sawi a ni.

"Covid-19 test-a positive tih inhriat chu hliam neih emaw, evict nih emaw broke emaw nen chuan a danglam hle," ti a sawiin,"Ka chhungte leh ka mi hmangaihte humhim hi ka tum lian ber a ni," tiin a sawi zui bawk.

Amah chauh chu positive nise pawi a tih loh thu leh, an chhungkuaa an postitve ta mai chu thil hriat hrehawm tak a nih thu a sawi uar hle. Tunah erawh an ṭha tawh a, 'contagious' an ni tawh lo tih sawiin Pathian hnenah lawmthu awm se, kan hrisel tawh, a ti.

'Hobbs and Shaw' actor chuan mitin hmai tuama midang himna ngaipawimawh turin a chah zui bawk.

A IG post caption-ah chuan a follower-te chu mahni inthunun tlat tur te, an immunes system tichak tur te, hmai tuam tur te leh fimkhur turtein a chah a ni.