Music Travel Love in Aizawl an rawn thleng ta

18th July, 2024

YouTube lama band ngaihven hlawh tak, 'Music Travel Love' (The Moffats) chuan concert nei tur nimin khan Aizawl an rawn thleng ta. July 19 hian LPS Arena, Falkland vengah concert an nei dawn a ni.

Music Travel Love hi atirah June 20-a Aizawl-a concert nei tur ruahman a ni a, mahse visa lama harsatna an tawh avangin July 19-ah sawn a ni ta a ni. ‘Music Travel Love - Live in Aizawl’ hi Alpha Omega bul tum niin, www.triket.in ah ticket a lei theih a, General, Gallery leh VIP-ahte ṭhen a ni. Offline-a lei duh tan Millennium Centre main entry-ah an ṭhutpui bawk.

Music Travel Love member-te hi Bob Moffatt leh Clint Moffatt te niin, The Moffatts band-a mite kha an ni a, concert-ah pawh hian 1990s leh 2002 chhoa an hla larte pawh an sak tel ngei a rinawm.