Lehkhabu bawm': Hripui Leng kara hmangaihna' tlangzarh

The Writer's Club leh Laisuih Zirbing Rûn bul tum a, Hripui (Covid-19) len laia khawvel pum huap Zofate tana thawnthu tawi inphuahsiaka a ṭha lawrkawm Top 20 chuanna lehkhabu, 'Hripui leng kara Hmangaihna' tih, KC Vanlalruata buatsaih chu nimin, July 17, 2024 khan Emerald Hotel-ah MJA President, C.Lalram-buatsaiha'n a tlangzarh.

Lehkhabu tlangzarh inkhawm The Writer's Club President, Lalhmachhuana Zofa in a kaihruai a, advocate John L.Varte chuan hunserh a hmang a ni. Inkhawmah hian thawnthu tawi inziah siaka a tiṭha zual pathumte hnenah lawmman, pawisai fai leh citation hlan a ni a, a ziak ṭha mi pangain consolation prize an dawng bawk. Thawnthu tawi inziahsiakah hian mi 100-in thawnthu an thehlut a, Mizoram bakah Myanmar, Manipur leh Tripura aṭangtein an thehlut.