Madame Tussauds House-ah Harry Styles

Madame Tussauds House, Nashville branch-ah Harry Styles wax figure dah a nia, Zirtawpni hian pholan a ni ang.

Museum chuan Thawhlehni khan Style wax figure an dah tur thlalak hi an rawn share a, Coachella 2022 second weekend a headline ṭum a inthuamna ang, thawmhnaw pink veka a inthuamna ang ngei khan an siam a ni. Madame Tussauds Nashville general manager, Kelly Field chuan global pop superstar, Harry Styles lim an dah thei chu an phur hle tih a sawi a, a hit hle pawh an ring tih a sawi. Zirtawpni hian mipuite tlawh leh en theih turin an pholang tawh dawn a ni. Harry Styles lim hi London, New York, Hollywood, Amsterdam, Berlin, Singapore, Sydney leh Orlando-ah dah a lo ni tawh bawk.