MZI Song Writer-in hla phuahtu hming sawi ṭhin turin ngen

Mizo Zaimi Inzawmkhawm pawl, Song Writer chuan zaithiamten an zai dawnin emaw, Host-ten zai thiamte zai tura an koh chhuah dawnin emaw, an hla sak tur phuahtu hming sawi ṭhin turin an phutin an ngen tih an sawi.

MZI Song Writer chuan a hmaa an lo ngen tawh anga zaithiam ṭhenkhatin an zai dawna hla phuahtute hming an sawi tel ṭhin chu lawmawm an tih thu an sawi a, hemi rual hian mahni hla sak phuahtute sawi chhuahna chang hre lote pawh sawi zel tawh turin an ngen. Hlate pawhin hlutna a nei chho zel a, hla phuahtute hla an sak avanga hlawkna lo neiten zah derna lan tir nana sum leh pai hlawkna an tel aṭangin 2% tal hla phuahtute pe ve ṭhin se an duh thu an sawi bawk.

Kum hmasa lama Mizo Idol thlangtuten hla phuahtute hlawkna an siamsak avanga an lawm thu sawiin, hun kal zelah pawh a nachang an hriat zel an beisei thu an sawi. MZI Song Writer hian hun remchang hmasa berah hla phuahtute intawh khawmpui (Song Writer's Meet) buatsaih an tum a ni.