'Captain America' film thar chhuak turin sawisel a tawk nghal

Nakkum February thlaa tih chhuah tura ruahman, "Captain America: Brave New World" chuan character pakhat, Sabra nihna a thlak danglam avangin sawisel a tawk nasa nghal hle.

Comics-ah Sabra hi Israeli superhero leh Mossad agent a ni. Mahse film-ah chuan he character behchhana siam, Ruth Bat-Seraph chu Black Widow hlui, US sorkar hnuaia high-ranking official ni zui ta angin an lantir a ni. A nihna an thlak danglam thu an puan hnuah a bikin Juda pawl hrang hrang aṭangin sawiselna a tam nghal hle. Jewish Chronicle chuan Marvel chuan Juda mi, superhero Sabra chu Israel mi a nihna a hlihsak a ni tiin, Jerusalem Post-ah pawh hetiang lam hawi hian an post bawk. Israel thlawptu tam tak chuan Sabra nihna an thlak danglam chu Israel mi nuaibo tumna leh, Israel dodaltute tih lawmna tumna a ni an ti bawk.