Speed Demons Delhi team neitu thar Arjun Kapoor

Bollywood actor Arjun Kapoor chu kumin August - November-a Indian Racing Festival neih tura tel tur, Speed Demons Delhi team neitu thar a ni ta.

Racing Promotions Pvt. Ltd chuan motorsport event lian, Indian Racing Festival (IFR) hi a buatsaih dawn a ni. He festival-ah hian Delhi, Hyderabad, Bangalore, Chennai, Goa, Kochi, Ahmedabad leh Kolkata aṭangin team pariat an tel dawn a ni. Indian cricket captain hlui, Sourav Ganguly chu Kolkata team Kolkata Royal Tigers neitu a ni bawk. Arjun Kapoor hian kum khat atan Speed Demons Delhi-ah hian invest in, Delhi-NCR-ah motor racing promote nan tha a thawh dawn bawk a ni. Kapoor chuan naupangte a nih aṭanga car leh motorsports lam lawm tak a ni tih sawiin, Delhi pawhin racing hi a lawm hle tih a hrechiang a, Indian Racing Festival nei tur pawh hi racer leh fan-te tan a hlu dawn hle tih a sawi. Khawvel huapa motorsports lama India aiawh thei tur haichhuahna remchang tak a nih a rin thu a sawi bawk.