MGK leh Jelly Roll te hla thar chhuak hnai

Machine Gun Kelly leh country star Jelly Roll-te thawhdunna hla thar, 'Lonely Road' chu July 26 hian tlangzarh tum a ni.

MGK hian a social media-ah music video teaser hi a dah tawh. He hla siamna tur inspire-tu hi John Denver classic 'Take Me Home, Country Roads' niin, MGK pawh hian a taka kawng hawnsaktu tiin John Denver chungah hian lawmthu a sawi. 'Take Me Home, Country Road' hi Denver-a'n kum 1971-ah ti chhuakin, a studio album palina,'Poems, Prayers & Promise' tih a mi a ni. Teaser-ah hian Jelly Roll-a nupui, Bunnie XO pawh a lang a ni. MGK hian a album hnuhnung ber, 'Mainstream Sellout' chu kum hnih liam ta khan a ti chhuak a, kumin March thla khan Trippie Red nena an thawhdunna single, 'Genre : Sadboy' EP chu a lo ti chhuak tawh bawk. Jelly Roll hian Eminem album thar, “The Death of Slim Shady (Coup De Grâce),” ah a lo thawhpui bawk a, August thla aṭangin Beautifully Broken tour a nei ang.