Smashing Pumpkins-in album thar ti chhuak dawn

American alternative rock band, The Smashing Pumpkins chuan August 2 hian a album thar, 'Aghori Mhori Mei' an ti chhuak dawn. He hi band album 13-na tur a ni.

Band frontman, Billy Corgan chuan album thar tur hla te hi siamin a produce dawn a ni. He album thara hla zinga mi hi single-a tih chhuah hmasak an nei dawn lo a, track list chu ti chhuak tawh mah se August 2-ah chauh an hlate hi a hriat theih dawn a ni. August 2 hian digital-in an ti chhuak dawn a, physical release chu a hnuah eng emaw chenah tih chauh an tum bawk. Smashing Pumpkins hian world tour an neih mekah European leg zoin, North American leg chu July 29 aṭangin an chhunzawm dawn a, November thla tir lamah Latin America-ah tour hi hi an nei leh bawk ang.